Atong Spelling Lesson 1. The Atong alphabet
# Atong Spelling Lesson 1
## Introduction
Chaibo, Atong Spellingmi sagaba kamaw, Atong Alphabetmigymyn. Ie kamchi, Atong alphabetmi letterdarangaw aro lettermi bimungdarangaw skinaka. Atong alphabetmi letter goi 22 ganang ichi thunukgaba. Ie letterdarangsang je Atongkhu’chukmi katha saina mana.
## Spelling and Alphabet
Je letterdo, bimung ganang. Katha spelling khu’rang kyryngai balchido, ie bimungdarangaw jakhalthawa. Jekhai katha spelling kha’na sykwachido ma alphabet changbana skina sykwanchido jakhalthawa. Atong Lettermi bimyngdo Englishkhu’chukmi lettermi bimyng gapsancha.
## Examples and Exercises
Jagasichie, Atong letteraw nukwa. Matjichie, lettermi bimungaw nukwa. Jagarachie, letter letter examplekathaaw nukwa. Examplekathasangdo lettermi bimung sungmana mana. Teewe, angdo lettermi bimunggumukaw porainaka aro examplekathawaba porainaka. Poreai chaiaribo, nathymaribo. Ang poraichengnakane!
## Practice and Solutions
Hai, hapsan poraitherini! Angdo balchengnaka, na’a balsymbo. Teewe, eksersais kha’ni hai! Na’a atongba sungman’wa chaian chaini. Sagaba eksersais. Ie letterdarangmi bimung atong myngwa? Somai sekyn charanga ganang. Teewe angdo solution balthumnaka. Lettermi bimungdarangdo ytykyi poraia… a, i, raka, ta, cha, y, ma, ra aro e.
## Spelling Practice
Teewe, lettermi bimungsang kathaaw spelling kha’naka. Iaw kathaaw Atongkhu’chuksang spelling khu’rang kyryngai balai kha’bo. Jekhai katha pan ytykyi spelling kha’a… pa, a, na… pan. Teewe nang’do kha’bo. Somai sekyn kolgyk ganang. Teewe angdo solution balthumnaka. Ie katha spelling ytykyi kha’a… Nok: na, o, ka… nok. Tyi: ta, y, i… tyi. Taw’: ta, a, wa, raka… taw’. Chek: cha, ha, e, ka… chek. Teewe, gapsan spelling kha’naka, hai! Nok (nok): na (na), o (o), ka (ka)… nok (nok). Tyi (tyi): ta (ta), y (y), i… tyi (tyi). Taw’ (taw’): ta, (ta) a (a), wa (wa), raka (raka)… taw’ (taw’). Chek (chek): cha (cha), ha (ha), e (e), ka (ka)… chek (chek).
## Conclusion
Raka mynggaba lettermi saiwami rokhom goi’ni ganang. Bullet pointsang saina mana… jekhai katha TAW’ ichi saiai thunukgabatykyi. Rakado apostrophisang saina mana… jekhai hapsan katha TAW’ ichi saiai thunukgabatykyi. Ytykyimu spelling rokhom goi’ni ichi thunukgado nema. Aphostrophie komputer ma mobailchi taiping kha’naba jakhalthawa… jaksang atongawba katha saiwaminaba jakhalthawa. Rai’agaba pideoe, letter Y-mi gamchatwamigymyn balkhuni. Sagaba kam jamok. Chaigabaaw mythela! See you next time!
source